Алматы әуежайының бас кеден қызметкері Айбол Жақсылықов әнші Төреғали Төрәлінің билетсіз кеден қызметінен қалай VIP-залға өтіп кеткенін түсіндірді.
Бұл туралы “Время” басылымы жазды.
Алматы әуежайының бас кеден қызметкері Төреғали Төрәліге ерекше қызмет жасалмағанын баса айтты. Олар оның әнші екенін білмепті де. Алдарына қолында кішкентай сәбиі бар ер адам келген. Сәбиі қатты жатырқауық екен. Әйелі мен балаларын шығарып салуға келген ер адам баласы өз қолында ғана жайлы сезінетінін айтып, әуежай ұсынған қоларбадан да, медқызметкерден де бас тартқан. „Одан да өзімнің шығарып салуыма рұқсат беріңіздерші„ деп әуежай басшылығынан өтініш жасаған екен.
„Бұл – түнде болған оқиға. Ол кезде мен жұмыста жоқ едім. Маған кезекшілікке жауапты адам хабарласты. Ол өзіне VIP-агенттің өтініш жасап келгенін айтты. Яғни, Гонконгқа бір әйелдің бірнеше баласымен ұшып бара жатқанын, оған қоса қолында емшектегі сәбиі бар екенін айтқан.
Ол әйел біз ұсынған қоларбадан бас тартқан. Күйеуім алып кірсе қайтеді депті баласын. Сөйтіп ұшу залына кіргізуді сұраған. Біз жағдайға түсіністікпен қарап, ер адамның ұшу залына кіруіне рұқсат бердік. Ал ол ұшу залынан ары өтіп, ұшаққа қалай кіріп кеткенін білмеймін.
Белгілісі, ол отбасының қасында ұшу залынан бастап ұшаққа дейін әуежайдың авиациялық қауіпсіздік қызметкері болған. Ол бортқа кімнің кіруге құқы бар, кімнің құқы жоқ екенін нақты білуі керек. Осы арада бізден қателік кеткенін мойындаймыз.
Ұшаққа мінген қазақ қыздың аузынан ақ ит кіріп, көк ит шықты
Қалай дегенмен де әуежайдағылар ер адамның өзіне білдірілген сенімді осылай асыра пайдаланатынын күтпеген.
Тіпті, біз оның танымал әнші Төреғали Төрәлі екенін де білген жоқпыз„ – дейді Айбол Жақсылықов.
Естеріңізге сала кетейік, “Эйр Астана” ұшағының VIP-залына билетсіз кірген Төреғали Төреәлінің басы дауға қалған болатын.
«Санын шапақтап…». Бір қызды секіртіп жүрген Төреғалидың әкесінің видеосы желіні шулатты (видео)