Нұрсұлтан Назарбаев ағылшын тілін меңгерудің маңыздылығын айтты
Президент Нұрсұлтан Назарбаев “Жаңа гуманитарлық білім. Қазақ тіліндегі жаңа оқулық” жобасы аясында шыққан алғашқы оқулықтардың тұсаукесерінде ағылшын тілін меңгерудің маңыздылығын атап өтті, хабарлайды Sputnik Қазақстан.
Жиында Жетісу мемлекеттік университетінің шет тілдері мен аударма кафедрасының меңгерушісі Айымжан Рыскиева сөз сөйлеп болған соң, Елбасы ағылшын тілін меңгерудің маңыздылығын тағы да айтты.
“Айымжан төрт тілді меңгерген. Ағылшын тілі десек, кейбір қазақтар “Не керек бізге ағылшын тілі, бізге тек қана қазақ тілі керек” деп шуылдайды. Сонда біз ғаламмен бірге қалай жүреміз? Экономикамызды қалай дамытамыз? Ғылым, білім, мәдениетімізді қалай өркендетеміз? Сондықтан осындай қыздардан бәріміз тағылым алып, әсіресе жастар ұмтылуы керек”, — деді Назарбаев.
Бүгінде алғашқы 18 кітап пен оқу құралы жарыққа шығып отыр. Оқулықтар философия, әлеуметтану, психология, тіл білімі, экономика, менеджмент, дінтану, антропология, журналистика бағыттары бойынша аударылған.
Оқулықтардың әрқайсысы 10 мың данамен басылып, алдағы бір айда жоғары оқу орындары мен кітапханаларға тегін таратылмақ.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе