Нұр-Сұлтан
Қазір
1
Ертең
10
USD
426
-0.24
EUR
496
+0.41
RUB
5.99
-0.01

Нұрлан Нығматулин мектеп,аурухана мен әскери бөлімдердің тамағы сапасыз екенін айтты

Мәжіліс депутаты Жанат Жарасов заң жобасын талқылау кезінде депутаттар “Əскери қызмет жəне əскери қызметшілердің мәртебесі туралы” заңға əскерилердің тамақтануын қамтамасыз ету мәселелерін “Мемлекеттік сатып алу туралы” заңның қолданылу аясынан шығаратын түзету енгізгенін айтты.

“Оның орнына сондай қызметтерді қазір мектептерде оқушылардың тамақтануын қамтамасыз ету процесінде жасалып жатқандай ерекше тəртіппен сатып алу ұсынылды. Біздің əріптестеріміз енгізген осы түзету бойынша министрліктің ұстанымы қандай? “, – деп сұрады депутат.

Мәжіліс отырысына алғаш рет министр ретінде қатысқан ҚР Қаржы министрі Əлихан Смайылов əскерилерді тамақтандыру өте күрделі мәселе екенін айтты.

“Біздің ойымызша, “Мемлекеттік сатып алу” заңнамасынан оларды шығаруға болмайды. Бірақ, мемлекеттік сатып алуға байланысты ерекше тәртіпті бекітетін тиісті ережелер бар. Сол ерекше тəртіп бойынша əскерилерді тамақтандыру сұрақтарын реттесек деген ойымыз бар. Біріншіден, демпинг (демпинг-тауарлар мен қызметтердің құнын жасанды түрде түсіріп, төмен бағамен сату. Ол нарықтағы, тіпті өзіндік құнынан арзан болуы мүмкін-авт.) сұрақтарын бекіту керек, шектен төмен баға бермеу қажет. Екіншіден, тамақтандыру сапасына тиісті критерийлерді нақтылауымыз керек. Сондықтан біз ерекше тəртіп бойынша жүргізілу керек дегенді қолдаймыз”, – деді Смайылов.

Мәжіліс төрағасы Нұрлан Нығматулин қазір бірқатар аурухана, мектептерде де демпинг бағамен алынған тамақтар сапасыз екенін айтты.

“Ертең əскери мекемелерде де осындай жағдай болуы мүмкін. Сондықтан бұны біз дұрыстап қарауымыз керек. Жаңа айтқандай, мектептерде, ауруханаларда, əскери орындарда ешқашан демпинг бағаны қолдауға болмайды. Себебі осы мекемелердің барлығында не болып жатқанын қараңыздар. Мектептерде баға – демпинг, бұнда қандай сапа, қандай балалардың денсаулығы туралы айтуға болады? Медициналық мекемелерде де сондай жағдай. Сондықтан бұны екінші оқылымға дейін мұқият қарау керек. Қажет болса, осы санаттарды, яғни мектептерді, медициналық мекемелерді, əскери бөлімшелерді ( “Мемлекеттік сатып алу туралы” заңның қолданылу аясынан -авт.) шығарайық”, – деді Нығматулин.

Серіктестер жаңалықтары
Көп қаралған
© «365 Info», 2014–2021 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз