Нығматулин Үкіметті 52 млрд теңгенің жұмсалу мақсатындағы қатеге назар аудартты
ҚР Парламенті Мәжілісінің төрағасы Премьер-министрге бір-біріне сәйкес келмейтін «Бәйтерек» холдингі мен ҚР Инвестициялар және даму министрлігінің есебіне мән беруді сұрады.
Бүгін Мәжілістің пленарлық отырысында үш жылға белгіленген бюджеттің мақсатты түрде игерілуі туралы жоба қарастырылды. Әртүрлі мемлекеттік құрылымнан келіп түскен мәліметтердің бір-біріне сәйкес келмеуі мұнда басты назарға алынды. Мәселен, ұлттық экономиканың бәсекеге қабілеттілігі мен тұрақтылығын қамтамасыз ету үшін «Байтерек» ұлттық холдингінен несиелендіру бағдарламасы бойынша бөлінбек 52 млрд теңге сөз болды.
Бұл сәйкессіздікке Мәжіліс төрағасы Нұрлан Нығматулин де баса назар аударып, Үкіметтен бұл жайтқа қатысты түсініктеме беруін сұрады деп хабарлады ҚР Парламенті Мәжілісінің баспасөз қызметіндегілер.
«Бақытжан Әбдірұлы, бұны қайта қарау керек. Әйтпесе мақсатты игеруге қатысты заңбұзушылыққа жол береміз», —
деді Нығматулин.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе