Нығматулин Ресейдің Қазақстандағы Елшісін қабылдады
Бүгін Мәжілісте Палата Төрағасы Нұрлан Нығматулин Ресейдің Қазақстандағы Төтенше және Өкілетті Елшісі Михаил Бочарниковты қабылдады, деп хабарлайды Мәжілістің баспасөз қызметіне сілтеме жасаған ҚазАқпарат.
Кездесу барысында Мәжіліс Төрағасы Қазақстан мен Ресейдің дипломатиялық қарым-қатынастарының орнағанына 25 жыл толуына орай, қос ел әріптестігінің өзара іс-қимылы ТМД кеңістігіндегі интеграциялық дамудың маңызды бөлігіне айналғанын атап өтті. Нұрлан Нығматулин екі елдің көшбасшылары Нұрсұлтан Назарбаев пен Владимир Путиннің өзара түсіністік пен достыққа негізделген тиімді бірлескен жұмысының нәтижесінде түрлі салалар бойынша екі жақты ынтымақтастықтың жоғары нәтижелеріне қол жеткізілгенін айтты.
Ал Михаил Бочарников, өз кезегінде, Қазақстанның халықаралық аренадағы жетістіктеріне тоқтала отырып, парламентаралық қарым-қатынасты нығайту – екі жақты ықпалдастықтың маңызды құрамдас бөлігі екенін атап өтті.
С. Майлыбаевтың суреті
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе