Нұр-Сұлтан
Қазір
9
Ертең
10
USD
422
+0.82
EUR
497
-1.77
RUB
5.53
-0.07

Нығматулин Өзбекстанның парламенттарилерін қабылдады

Нұрлан Нығматулин атап өткендей, Өзбекстан Орталық Азиядағы Қазақстанның маңызды стратегиялық серіктесі болып табылады және екі ел арасындағы достық пен ынтымақтастық саясаты бұдан әрі тереңдей түспек.

Мәжіліс төрағасының айтуынша, елдердің өзара байланыстың кеңеюіне жаңа серпін берген Қазақстан мен Өзбекстан президенттері Нұрсұлтан Назарбаев пен Шавкат Мирзиеевтың мемлекеттік сапарлары болды. Мемлекет басшыларының кездесуі нәтижесінде стратегиялық серіктестікті одан әрі тереңдету және тату көршілікті нығайту туралы Бірлескен декларацияға қол қойылды.

Нығматулин екіжақты қарым-қатынастарды одан әрі дамытуға Өзбекстанның екі палаталы Парламентінің қызметінде өзбек депутаттарының алғашқы сапарына оң ықпал ететініне сенім білдірді.

Сонымен қатар, ол еліміздің халықаралық аренадағы бастамаларына, атап айтқанда 2017-2018 жылдардағы БҰҰ Қауіпсіздік кеңесіне мүшелігі, Астанада өткен ЭКСПО-2017 көрмесіне қолдау көрсеткені үшін алғыс білдірді. Сонымен қоса Өзбекстанның парламенттік делегациясын Мәжілістің қызметімен таныстырып, Қазақстан Республикасы Президентінің «Қазақстан-2050» Стратегиясында және Қазақстанның үшінші жаңғыруы міндеттерін орындау бойынша атқарылған жұмыстар туралы айтты.

Тараптар әңгімелесу барысында парламентаралық ынтымақтастық топтарының әлеуетін белсенді пайдалануға, сондай-ақ, Палаталардың бейінді комитеттерімен тығыз қарым-қатынаста жұмыс істеуге шақырды.

Жалпы Парламентаралық ынтымақтастық топтарының бірінші бірлескен отырысының күн тәртібі сауда-экономикалық және мәдени-гуманитарлық өзара іс-қимыл, су ресурстарын басқару мәселелерін талқылауға арналды.

Өзбекстанның парламенттік делегациясы сапар барысында Қызылорда және Оңтүстік Қазақстан облыстарына баруды жоспарлаған.

Серіктестер жаңалықтары
Көп қаралған
© «365 Info», 2014–2020 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз