«Ninety One» тобы неге тойға шықпайтынын айтты (видео)
Олар блогер Ержан Рәшевке сұхбат берген екен.
Топ кеше ғана өздері туралы толық метражды фильмді жарыққа шығарған. Соның бір эпизодында
топтың продюсері Ерболат Беделхан “Ninety One тобы тойда өнер көрсетпейді“, деген болатын.
Алайда «91» тобының мүшелері сұхбат барысында мұны жоққа шығарды.
“Біз мүлдем тойға шықпаймыз демей-ақ қояйын. Егер әртіс үшін лайықты жағдай жасалса, тойда да өнер көрсете аламыз. Бірақ егер жұрт дастарханда отырып, жеп-ішумен әлек болғанда, олардың алдына шығып ән салу – жөн нәрсе емес. Әртіске дастарханның алдындағы алаң емес, сахна керек“,
Ал Alem есімді топ мүшесі бұрын талай рет тойда өнер көрсеткенін жасырмай айтты.
“Мен өзім Ninety One тобына келмес бұрын тойдан ақша табатынмын. Той болсын, корпоративка, тіпті, кафе-ресторандарда да ән айттым. Бірақ мен де ән салғанда ел мені тыңдасын деймін, біреу төбелесіп, біреу тәрелкесін тасырлатып, енді біреу басқа іспен айналысып отырғанда ән орындағың келмейді. Көп адамдар әртістің жанды дауыста ән айтып тұрғанын лайықты бағаламайды”,
— деді Alem.
Рашев LIVE Ninety One
Gepostet von Yerzhan Rashev am Dienstag, 5. September 2017
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе