Бұдан бұрын біздің сайтымызда Ninety One тобының “қазақ қыздары әдемі емес” деп пікір білдірген видеосы жарияланған еді. Аталған топтың әншісі Bala дәл осылай айтқан болатын.
Видеоны осы уақытқа дейін 10 мыңнан аса адам көріп, өз пікірін білдірген екен. “Бұл топ қазақ қыздарын қалайша көріксіз дейді. Топты қолдап, қолпаштап жүрген осы қазақ қыздары емес пе?” деген пікір айтыпты сайтымыздың оқырмандары.
Отандық арналардың біріне берген сұхбатта топ мүшелері өздері “бұлай айтпадық деп ақталып, видеоға монтаж жасалған” деген екен. Ninety One “бұл видео жалған, біздің атымызға кір келтіру мақсатында жасалған” дейді.
“Егер сіздер сол видеоны дұрыстап қарайтын болсаңыздар, монтаж жасалғанын бірден аңғаруларыңыз керек. Мен әжем бар, анам бар, қарындасым бар. Барлығы да қазақ. Мұны біле тұра “Қазақстанда сұлу қыз жоқ” деп айтуым еш ақылға сыймайтын дүние. Анығында, Қазақстанда әдемі қыздар өте көп”, – дейді топ мүшесі Bala.