Айсәуле Бақытбек анасы Баян Алагөзованың ана тілін жетік білмейтінін айтты.
Баян Алагөзова өзіне қатысты бұл олқылықтың балаларына қатысты қайталанбауын қалапты. Бұл туралы Айсәуле Бақытбек Гакку радиосына берген сұқбатында айтты.
Оған тілші: “Егер саған өзгеріс енгізуге мүмкіндік берсе, қандай үш өзгеріс енгізер едің Қазақстанда” деген сұрақ қойды.
– Біріншіден, жемқорлықтың жолын кесу үшін елімізде жалақы жүйесін өзгертіп, оны көтеруге тырысар едім. Мысалы, мен тұрған Калифорнияда адам еңбегінің бір сағаты 12 долларға бағаланады. Ал Қазақстанда бір күндік еңбектің ақысы 2-3 доллар ғана. Ал бұл дамымаған, қалып кеткен үшінші мемлекеттерге сай көрсеткіш. Бірақ біз бай елміз ғой, бар жағынан, ендеше еңбекақыны неге қысуымыз керек?
Екіншіден,
шенеуніктерді мемлекеттік тілде сөйлеуге міндеттер ем. Қазақстанда тұрып, қазаққа қызмет етіп, қазақша сөйлемеу дегеннің өзі логикаға сыймайды емес пе?..
Мысалы, мен қазақ сыныбында оқыдым. Он класс болса, соның біреуі – қазақша, қалған тоғызы – орысша. Бұл дұрыс емес қой. Менің өзім бұған намыстанатынмын.
https://kaz.365info.kz/oz-kozimmen-kordim-ajsaule-bakhytbek-anasymen-bolgan-okhiga-zhajly-ashyp-ajtty-video-312176
Ана тілімді білем, оған дән ризамын.
Шешемнің өзі ана тілін жетік білмегендіктен бізді қазақ мектебінде берді. Дұрыс қой.
Мысалы, орыстар Ресейде қазақша сөйлемейді. Сол секілді әр мемлекет өз тілінде сөйлеуі керек. Бұл заңдылық. Өзге этностар да мемлекеттік тілде сөйлеуі тиіс деп санаймын. Әрине, оған ақырындап келуіміз керек.
https://kaz.365info.kz/erten-shygam-goj-ajsaule-bakhytbek-akesinin-aldyna-akhtalgaly-zhyr-me-311721
Үшіншіден, өңірлердің жайқалту керек. Неге халық жақсы өмір үшін Алматыға, Астанаға немесе Шымкентке ағылуы тиіс. Мұнда барды сол өңірлерде жасап қоюға болады ғой. Қазақстанда жер босап қалмауы керек. Ол үшін өңірлерді дамытып, оларға жаңаша жан бітіру керек, – дейді Айсәуле Бақытбек.