Баяннан басталған дау Алагөзовтер отбасын араздастырып тынды.
Медеу аудандық соты сондай шешім қабылдапты. Төлебаев көшесіндегі зәулім үйде тұратын Тұрым атаны туған немересі үйінен қуып шығыпты.
Бұдан бұрын Тұрым Алагөзов немересінің үйден шығарғалы жатқанын айтып, жас баланы әбден жазғырған еді.
Әкесінен бас тартып, тегін ауыстырып жіберген Әминаны атасы “сатқын” деп айтқан-тұғын.
Әминаның ағасы Әрсеннің де әкесі мен атасына деген өкпесі қара қазандай. Әкесі тұрып жатқан үйге ол да таласқан еді. Жеңіп шыққан.
Тұрсынға кең сарайдай үйінен көшіп кетуге тура келген.
Желідегі жұрт мұның бәрін Баяннан көруде.
“Бәрі де Баяннан басталды. Бір әулеттің шаңырағы ортасына түсті. Әкесі мен баласы, атасы мен немересі араздасты…” дейді желідегі қауым.