“Не болды сонша?..”. Бөтен ғаламшарлықтарды зерттейтін ғалымдар шағымдануда

SETI (Search for Extraterrestrial Intelligence, Жердегіден тыс сананы іздеу) жобасы аясында Жердегіден тыс өркениеттерді іздеумен айналысатын ғалымдардан шағым түсті.

Сөйтсе уфологтардың тылсым әлем тіршілігінен түсетін сигналдарды байқауына мүмкіндік беретін компьютердің қосалқы бөлшектерін майнерлер көтере сатып алып кетіп, тапшылық туындайтын болған екен.

Айта кету керек, майнерлер – криптовалютаны ғаламтордан өндірумен айналысатын жұрт.

Бүгінде SETI мамандары екі обсерваторияны іске қосуды көздейді. Бірақ олар толыққанды жұмыс істеу үшін графикалық процессор өте қажет. Мысалы, бір телескопқа 100-ден астам осындай құрал орнатылуы тиіс. Ал сол процессорды сататын дүкендердің сөрелерін майнерлер жылан жалағандай етіп кетеді екен.