Назарбаев: «Нұр Отан» партиясы 18 жылда елiмiздегi ең үлкен саяси күшке айналды

Елордада Қазақстан президентi Нұрсұлтан Назарбаевтың төрағалығымен «Нұр Отан» партиясы Саяси кеңесiнiң кеңейтiлген отырысы өтiп жатыр. Жиында Елбасы партия 18 жылда елiмiздегi ең үлкен саяси күшке айналғанын айтты, деп хабарлайды Baq.kz тiлшiсi.

«Биыл «Нұр Отан» партиясының құрылғанына 18 жыл болады. Бұл адам өмiрiнiң өлшемiндегi алғашқы кәмелеттiк жас болып саналатынын бiлесiздер. Осы уақыт iшiнде партиямыз шынығып, шыңдалып, елiмiздегi ең үлкен саяси күшке айналғаны белгiлi. Құрылған күннен бастап ол барлық елдiк iстiң басы-қасында келе жатыр. Халқымыздың береке-бiрлiгiнiң артуына, бiздiң саяси тұрақтылығымыздың нығаюына, экономикалық реформаларды табысты iске асыру үшiн атсалысып келе жатқан бiрден бiр саяси ұйым. Халықпен тiкелей жұмыс iстеп, кезек күттiрмей шешiлуге тиiс мәселелердi үнемi назарда ұстап, нағыз елдiк партияға айналды. Оған өткен сайлаулардағы елдiң зор сенiмi айқын дәлел. Сол сайлауларда белсендi қатысқан бiздiң партия мүшелерiнiң iстеген шаруасы, жергiлiктi ұйымдардың жасаған жұмысы, халықтың бiздiң жүргiзiп отырған саясатқа сенiп, бiрыңғай дауыс бергенiн бiз көрiп отырмыз. Партия болашақта да елмен етене болып, халыққа қалтықсыз қызмет етудi жалғастыра бередi деп сенемiз. Алдымызда көп шаруалар бар. Қажеттi бағдарламалардың барлығы қабылданды», – дедi Назарбаев.