Навальный өзіне жасалған шабуылға Кремльді айыптады
Ресейлік оппозициялық саясаткер Алексей Навальный өзіне қарсы жасалған шабуылды ұйымдастырған деп Кремльді айыптады. Навальныйдың пікірінше, оның қайда баратыны туралы нақты ақпаратты өзгелерден тек арнайы қызметтер ғана білетіні күмән тудырмайды.
Сәуірдің 27-і күні Мәскеуде белгісіз ер адам Алексей Навальныйдың бетіне көкдәрі (зеленка) шашып жіберген. Саясаткердің айтуынша, қатты зақымданған оң жақ көзі әлі қалпына келмеген, ол мүлде көрмей қалуы да мүмкін. Дәрігерлердің болжамы бойынша, шабуыл жасаған адам шашқан көкдәрінің құрамында әлдебір басқа зат қосылған болуы мүмкін.
Алексей Навальныйға бұған дейін де, наурыздың 20-сы күні Барнаул қаласында белгісіз біреу көкдәрі шашып кеткен. Навальныйдың айтуынша, ол жолғы оқиғадан соң 10 минуттан кейін көзі қалпына келген. Шабуыл жасаған адам бейнекамераға түсіп қалған. Бірақ құқық органдары әлі күнге дейін қылмыстық іс ашпаған.
Дереккөз: Азаттық
Серіктестер жаңалықтары
© «365 Info», 2014–2024 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз