Наркенже Серікбаева Түркістан облыстық филармониясындағы былықтың бетін ашты
Дәстүрлі әнші Наркенже Серікбаева жұмыс істеп жатқан Ш.Қалдаяқов атындағы Түркістан облыстық филармониясындағы жұмысын тоқтатты. Өнер иесінің айтуынша, өнердің қара шаңырағы саналатын мәдениет ордасы бүгінде тозығы жеткен ғимаратқа айналған.
«Шәмші Қалдаяқов атындағы Түркістан облыстық филармониясы қараусыз қалғандай… Вальс падишасының атындағы сарайдың қазір жай-күйіне жайбарақат қарай алмаймын. Жалақыға жан бағып жүрген өнерпаздар сахнаға шығу үшін киімді неге жалға алуы керек?! Аты дардай мекеме сахналық костюмге неге жарымайды?! Басшылықтың, басқарманың өнерге жаны ашымай ма?», – деп күйінді әнші.
«Таланты барлар тасада қалып, талантсыздар, тамыр-танысы мықтылар неге төрге шығады?! 20-30 жыл адал жұмысын жасағандар еленбей, жылтырағандар жағымпазданғандар, неліктен марапат алады?! Ескірген сахна залын, грим бөлмелерін неге көрмейсіздер?! Талай адам басқарып келіп, кетіп жатыр. Жаны ашитыны қайсысы?! Сұрағым көп. Айтарым да көп…Біраз шындықты айтуға дайынмын», – деп ашынды дәстүрлі әнші.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе