«Найман» әлем чемпионы атағы үшін кіммен айқасады?
Аралас жекпе-жек шебері Қуат Хамитовтың әлем чемпионы атағы үшін айқасатыны белгілі болды, – деп хабарлайды ҚазАқпарат.
21-сәуір күні Владивостокта аралас жекпе-жек шебері, «Alash Pride KZ» кәсіби жекпе-жек клубының мүшесі Қуат Хамитов (70,3 келіге дейін) Fight Nights нұсқасы бойынша әлем чемпионы атағы үшін ресейлік Магомедсайгид Алибековпен айқасады.
Қуат Хамитов
Бұл туралы «Найман» лақап атымен танымал отандық спортшымыз Инстаграмдағы өзінің жеке парақшасында жазды.
Алибеков – әскери қоян-қолтық ұрыстан спорт шебері атағына кандидат, ММА бойынша спорт шебері, әскери қоян-қолтық ұрыс бойынша РФ Қарулы күштерінің екі дүркін чемпионы, әскери қоян-қолтық ұрыстан ТМД чемпионы, ММА-дан Алысшығыс федералды округі чемпионатының жеңімпазы, грепплингтен Ресейдің күміс жүлдегері.
Хамитов пен Алибековтің салмақтары шамалас – 70 келіден. Магомедсайгид Қуаттан екі жас кіші, ол – 27 жаста. Алибеков бүгінгі күнге дейін 7 кездесу өткізіп, барлығында жеңіске жеткен.
2001 жылдың мамыр айынан бергі Хамитовтың статистикасы – 17-4-1.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе