Қазақстандық дипломаттар еліміздің 6 азаматын елге жеткізу үшін Каир әуежайына алып келді.
Бұл туралы бүгін өзінің фейсбуктегі парақшасында ҚР Сыртқы істер министрлігі баспасөз қызметінің жетекшісі Әнуар Жайнақов мәлім етті.
«Қазір ғана қазақстандық дипломаттар еліміздің 6 азаматын Қазақстанға қайтару үшін Каирдің әуежайына жеткізді. 1-тамыз күні кешкісін Египеттің Ұлттық қауіпсіздік комитетінің өкілдері Қазақстанның елшілігімен хабарласып, осыған дейін ұсталған қазақстандық азаматтардың барлығын еліне депортациялайтындықтары туралы айтты», – делінген хабарламада.
Египет билігінің хабарлауынша, еліміздің азаматтарын ұстау жағдайы бойынша барлық себеп-салдарлар туралы араб елінің құқық қорғау органдары қосымша хабарлайтын болады.
Айта кетейік, Каирге Араб тілін үйрену үшін барған алты отандасымызды Мысырдың қауіпсіздік қызметінің өкілдері қамауға алған болатын.
Дереккөз: stan.kz