Айтыскердің сөзіне сенсек, Украинаның бұрынғы премьер-министрі Арсений ЯЦЕНЮК пен Мұхтар Әблязов арасында ұқсастық бар екен.
Ринат Зайытовтың мәліметінше, 2013 жылғы Евромайданды ұйымдастырған миллионер Яценюк екен. Айтыскердің бұл сөздері youtube.com желісіне шықты.
Қазақстандағы жоғарғы оқу орындарында өткен кездесудің бірінде айтыскер осылай саяси «сауатын» паш етті. Зайытовтың сөзіне сенсек, Виктор ЯНУКОВИЧТЫҢ билігін Арсений Яценюк сыртта небір ұрандар тастап құлатыпты. Айтыскер: «Украина, Қазақстан деген сөздерді алып тастаса, екі саясаткердің сөздері бірдей », — деді студенттерге.
Сондай-ақ айтыскер Мұхтар Әблязовтың Германияда, Балтық елдерінде халықтың тұрмысы жақсы деген сөзіне уәж айтты. Ринат Зайытовтың айтуынша, Балтық елдерінде зейнетақы көп болғанымен, жанармай қымбат. Ал Германияда бір отбасы бір стақан суға жуынады екен.
«Мұхтар Әблязов шындық айтқыш болса, осыларды неге айтпайды», — дейді айтыскер.
Қазақстандағы айтыскерлердің бәрін жеңген Зайытовтың Әблязовпен «айтысы» көпшіліктің бәріне ұнай қоймаған сияқты. facebook.com әлеуметтік желісінде Шекер АЛШЫНБЕКОВА есімді қолданушы: «Музыка, нотаны, дауыс диапазонын ажырата алмай, Димашқа сын айтып еді, абыройсыз болып… Енді Мұхтарға тиіскені, Украинаны айтқаны қай сасқаны?», — деп жазды өз парақшасында.
https://kaz.365info.kz/bajkhashy-rinat-rinat-zajytov-tagy-da-khatty-ajtkhan-eken-video-288742
Айтыскердің саяси әңгімесін талқылаған әлеуметтік желідегі жұрт 2013 жылы жастармен кездесуде айтқан қазіргі Алматы қаласының әкімі Бауыржан БАЙБЕКТІҢ сөзін де еске алды. Алманияда білім алған шенеунік:
— Германияда алдымен адамдар ыдысын жуады, кейін сол сумен еден жуады; алдымен балаларын жуындырады, кейін сол суға өздері жуынады. Міне, үнемдеу деп осыны айт, — деген еді.
https://kaz.365info.kz/bayandy-ajtty-ma-rinat-zajytov-kimdi-synap-tastady-video-307613
Дереккөз: Жас Алаш