“Мұндай ешкімге бұйырмаған”. Белгілі журналист министрді өзіне қаратқан Баянды мақтады
Белгілі журналист Арман Сқабылұлы білдей министрді өзіне қаратқан Баян Мақсатқызының мықты екенін мойындап, әлеуметтік желіде жазба жариялады.
Айта кетейік, бірер күн бұрын “Қазақстан” телеарнасының тапсырысымен “Қозы-Көрпеш-Баян сұлу” фильмі түсірілімі аяқталғанын сүйіншілеп жеткізген Баян Мақсатқызы өз жұмыс орнына Ақпарат министрі Дәурен Абаев пен “Қазақстан” телеарна басқармасының басшысы Ерлан Қариннің ешқандай шақыртусыз өздері келіп, қолдау білдіргенін мақтанып хабарлап еді.
“Баян, сен шынымен де адамдар арасына жіберілген перінің қызысың! Бекторы! Мықты екенсің! Сенің құдіретті магнитің білдей бір министрді студияңа жетектеп алып келеді деп кім ойлаған?
Кеше ғана “Қазақ газеттері” қауымдастығының басшысы Жұмабек Кенжалин өмірден өткенде қара көрсетпеген (орынбасарын жіберген) ақпарат министрінің өзі елпектеп Баянның “Баян сұлуының” монтажын көріп кетіпті.
Бұл “бақыт” бұған дейін ешкімге бұйырған емес!” – деп жазды ол Facebook-тегі парақшасында.
https://kaz.365info.kz/bayan-esentaevaga-khatty-ykhsas-khyzdyn-kim-ekeni-belgili-boldy-foto-276736
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе