Мыңдаған үлескерді алдап кеткен экс-депутат Австрияда емін-еркін қыдырып жүр
«Азбука жилья» құрылыс компаниясының басшысы Ерқанат Тайжанов Австрияда бостандықта жүр, ал бұл уақытта қазақстандық прокурорлар оны экстрадициялауға рұқсат алу үшін тырысып жатыр. Арадағы келіссөз жұмыстары австриялық тараптың кесірінен ұзаққа созылуда, деп хабарлайды КТК арнасы.
«Бізде тергеу жүргізілген істі оларға тапсыруымыз керек. Бұл істі жақын арада тындырамыз деп үміттенемін. Олардың процедуралары ұзақ екен, сол себепті ортақ тіл тауып, қылмыстық істің материалдарын береміз деп үміттенемін. Себебі бұл іс Австрия Республикасында да жалғасуы тиіс», – дейді ҚР бас прокуроры Жақып Асанов.
Айта кетейік, Ерқанат Тайжанов Астанада тұрғын-үй кешендерін тұрғызумен айналысқан «Азбука жилья» компаниясының иесі еді. Кәсіпкерлікке дейін ол Мәжіліс депутаты болған.
Дереккөз: stan.kz
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе