Мұнай-кен орнында бір жұмысшы қаза болып,біреуі ауруханаға түсті
Ақтөбе облысы, Жаңажол мұнай-кен орнында бір жұмысшысы қаза болып, біреуі ауруханаға түсті. Жұмысшылар компанияда слесарь қызметін атқарған.
Бұл туралы Диапазон хабарлады.
Оқиға 22 ақпанда сағат 18:24-те Жаңажол мұнай-кен орнында болған.
«Кен орнында бұған дейін шағын жөндеу жұмыстары жүргізіліп, екі жұмысшы насостың қалай жұмыс істеп жатқанын көрмек болған. Бұл насос техникалық суды айдайды. Сол жерде газ шыққан»,- деп хабарлады Ақтөбе облыстық еңбек инспекциясы жөніндегі басқарма басшысының орынбасары Бауыржан Оразаев.
Оқиға кезінде 54 жастағы ер адам қайтыс болды. Ал 46 жастағы жұмысшы Кеңқияқ ауруханасында жатыр. Екі жұмысшы да слесарь болып жұмыс істеген.
Еңбек кодексі бойынша 10 жұмыс күні ішінде оқиғаның нақты себебі анықталады. Комиссия қорытындысы ішкі істер органдарына жіберіліп, тергеуді құқық қорғаушылар жалғастырады.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз