Әлеуметтік желідегі қауым қазақ келіншегі жеңімпаз атанған Моңғолияның ұлттық телеарнасындағы “Біздің келін” реалти шоуын қызу талқылап жатыр.
Айта кетелік, қазақ келіншек Тұрсын Сатқанова Моңғолияның ұлттық телеарнасында өткен «Манай бэр» (Біздің келін) реалити-шоуында ІІІ-орын алды. Бұл шоуда моңғолға тиген өзге ұлт қыздары арасында сайыс өтіп, олардың осы елге қаншалықты сіңе алғаны сыналды. Ақтық кезеңде Тұрсын Сатқанова (Қазақстан), Ханна Максон (АҚШ), Мина Тамура (Жапония) және Донара Балдансүрэн (Ресей) өзара бақ сынады. Олардың барлығы Моңғол азаматтарына тұрмысқа шыққан.
Келіндер моңғол қамырын илеп, түрлі ұлттық тағамдар дайындады. Сайыстың ең қиын шарты моңғолдың ұлттық киімін (дээл) тігу болды. Соңғы тапсырмада келіндер өз өнерлерін ортаға салып, жапон тумасы Мина Тамура бұл кезеңде бәрінен озып шықты.
https://kaz.365info.kz/ajyra-almajdy-ol-azil-ospakh-teatry-zamira-men-sakendi-azhualady-video-299810
Міне, осы хабарды өзара талқылаған желідегі жұрт Моңғолия телевидениясының ұлттық тәрбиені, отбасылық құндылықты дәріптеудегі зор рөлін сөз етіп, біздің телеарналармен салыстырды.
“Келіндер бәйгесін осылай өткізсе, біздікілерге кім қой деп жатыр?” десе бірі, тағы бірі “Ойбай-ау, онда қазақ қызын бәдік, жігітін жігерсіз қып көрсететін “Қалаулымды” кім көреді” деп оған сарказммен жауап қатады. “Қайдағы тәрбие, біздікілер керісінше қатындарды құтыртып қойды” депті бір ел ағасы.
https://kaz.365info.kz/yyat-ta-bolsa-video-khojyp-otyrmyn-belgili-zhurnalist-kyjinip-ketti-18-299420
Қазақ еркегін қазан-ошақ басына шақыратын бағдарлама да бірқыдыру әңгіме болды. Ақыры “біздің телеарналар Моңғолия да құрлы бола алмады” дегенге саяды желідегі сындар.
https://www.youtube.com/watch?time_continue=17&v=eYB8ZZNHqdM