Мирзиёевтан жоғары шенді шенеуніктердің қылмыстарын тергеуді сұрайды – БАҚ шолуы

– 2000-2015 жылдар аралығында кейбір басқарушы қызметкерлердің қатысуымен мемлекеттік резервтен миллиондаған доллар ұрланған.

Бұл ұрлықтар жүйелі түрде және мұқият жасалған жоспар негізінде жүзеге асырылды.

Яғни, қылмыс тұрақты және ұзақ уақытқа созылды. Бұл жағдайлар тергеліп, қылмыскерлер жауапқа тартылуы, ал ұрланған ақша халыққа қайтарылуы тиіс, – деді Батыр Хусаинов.

Хусаинов журналистерге бұған дейін ол Сыбайлас жемқорлыққа қарсы іс-қимыл агенттігі мен Өзбекстанның Бас прокуратурасына жүгінгендігін, бірақ осы екі бөлімде де оның өтініштеріне ешқандай жауап берілмегенін айтты.

– Жауап болған жоқ. Олар мені  шақырған да жоқ. Мен олардан арнайы топ құруды өтіндім, бұл ұрлықтарды ашуға және ұрланған ақшаны мемлекетке қайтаруға көмектесуге уәде бердім. Бұл қылмыстарға қатысушылар әлі де жоғары лауазымдарға ие, оларды тергегілері келмейді, өйткені бұл іске олардың өздерінің де қатысы бар. Биыл сыбайлас жемқорлыққа қарсы іс-қимыл агенттігіне жүгіндім, бірақ олар менің өтінішімді Бас прокуратураға жіберді. Ақыр соңында учаскелік инспекторға тапсырды, содан кейін олар бұл істі толығымен жапты”, – дейді Хусаинов.

Кейбіреулер әлі де Үкіметте

Оның айтуынша, бұл іске бұрынғы Ішкі істер министрінің және тағы екі танымал шенеуніктің ұлдары ғана емес, сонымен бірге қазір түрмеде отырған экс-Бас прокурор Рашид Қадыров және Мирзиеев Үкіметінің тағы бірнеше жоғары лауазымды шенеуніктерінің қатысы бар.

Батыр Хусаинов 2000 жылдың алты айында

31 фирма мемлекеттік резервтен шамамен 400 миллион АҚШ долларын иемденгенін

анықтап, құжат жүзінде дәлелдей алатынын айтады.

Бірақ оның орнына құқық қорғау органдары Хусаиновтың өзіне қатысты қылмыстық іс қозғаған.

– ҰҚК қызметкерлері осы қылмыстарға қатысты менде болған барлық құжаттарды жойды. Ол кезде менің қолымда 190 беттен тұратын 31 компанияның банктік айналымына қатысты құжаттар болды. Олар мені алдап құжаттарды алды, осы қылмыстарды тергеуге уәде берді. Содан кейін бәрі жойып жіберді. Бірақ бұл қылмыстар бүгінгі күнге дейін жалғасуда. Осы ұрлықтардың басында тұрған басшылар 2015 жылға дейін мемлекеттік резервтен ұйымдасқан түрде ұрлық жасады.

Енді елестетіп көріңізші – үш айда мемлекеттік валюта резервінен 400 миллион доллар ұрланған. Бұл қылмыстық топ мемлекетті тағы 15 жыл бойы тонап келді. Шамамен айтқанда, егер олар бір жыл ішінде 1,5 миллиард доллар ұрласа, 15 жыл ішінде 20 миллиард доллардан астам ақша ұрлаған.

Бұл сома Өзбекстанның сыртқы қарызының жалпы көлемінің 60%-ын құрайды,

– деді ол.

Кейбіреулер бүкіл жағдайын жасап алды

Бұрынғы шенеуніктің сөзіне қарағанда, мемлекет қаржысын талан-таражға салуға қатысы барлар Каримовтың кезінде үлкен лауазымдар атқарған. Кейіннен кейбіреулері сотталды, басқалары осы уақытқа дейін жоғары лауазымдарды атқаруда.

– 2000 жылы  мемлекеттік қаражатты алуға қатысы бар 31 фирманың 1-іне қатысты қылмыстық іс қозғадым. Бұл іске прокуратурада нөмір берілді. Сол жылдың желтоқсан айында “Bogemgurilishsavdo” ЖШС-не қатысты іс қозғады. Конвертация жөніндегі мемлекеттік комиссия бұл фирмаға 12 миллиард сомға қант сатылды деген сылтаумен оның ақшасын мемлекеттік бағам бойынша айырбастады.

Орталық банктің құжаттары бар. Сол жылдары Өзбекстанда доллардың сумға қатысты нарықтық бағамы ресми бағадан 60%-ға дерлік ерекшеленді. Айырмашылық көп ақша табуға мүмкіндік берді. Шын мәнінде, қант Өзбекстанға мүлде әкелінбеді, ал ақша Орталық банк арқылы елден шығарылды. Осы схема бойынша үш айда 389,3 миллион доллар экспортталды.

Бұл құжаттар Орталық Банктің мұрағатында сақталып тұр. Сондықтан мен бұл туралы ашық айтамын. Ұрланған мемлекеттік ақшаның халыққа қайтарылуына қол жеткізгім келеді, – дейді Батыр Хусаинов.

Өзбекстанда 1994 жылдан 2015 жылға дейін еркін валюта нарығы болған жоқ. Нақты курс ресми курстан екі еседен астам ерекшеленді. Орталық банктің бағамы бойынша валютаны

елге стратегиялық маңызы бар тауарларды әкелген белгілі бір компаниялар ғана сатып ала алды

Өзбекстандағы ауруханалар науқастарға толуда

Қазіргі сәтте Өзбекстанда коронавирусқа қатысты жағдай нашарлауда, Ташкенттің COVID орталықтары науқастарға толы. Енді олар тек ауыр науқастарды ғана қабылдайды.

Ташкент облысының Зангиатин ауданындағы арнайы ауруханада  өкпенің зақымдануы 30%-дан асқандарды ғана қабылдайды деп хабарлады.

 Бұл ретте пациенттер арнайы ауруханаға “жедел жәрдем” машинасымен жеткізілуі тиіс.

Вирусология ғылыми-зерттеу институтының клиникасы мен “Узэкспоцентрдегі” COVID-центр қазірдің өзінде науқастарға толы.

Ковид жұқтырған науқастарды емдеуге арналған №2 Зангиота арнайы ауруханасы науқастарға толғанын хабарлады.

– Қазір біз жедел жәрдеммен келгендерді ғана қабылдаймыз. Оларда өкпенің зақымдануы 30%-дан асады деген МСКТ қорытындысы болуы керек. Әйтпесе, олар “Узэкспоцентрге” немесе Вирусология ғылыми-зерттеу институтының клиникасына баруы тиіс”, – деп түсіндірді аурухананың дәрігері.