Бірнеше жыл бойы Швейцарияның Лозанна қаласында тұрып келген саяси эмигрант Сафар Бекжан Өзбекстан азаматтығынан айрылғанын жақында ғана білген. Диссидент бұны саяси қызметімен байланыстырып отыр.
57 жастағы Сафар Бекжанның (Бекчанов Сапарбай Жумабаевич – Ред.) айтуынша, Өзбекстан билігі оның азаматтықтан неге айрылғаны туралы ешқандай түсінік бермеген.
“Мен Өзбекстанның Берлиндегі консулдығынан хат алдым. Онда менің азаматтықтан 2017 жылы 17 наурызда президент жарлығымен айрылғаным туралы жазылған. Заң бойынша олар оның себебін келтіруі тиіс. Менің екінші азаматтығым жоқ. Менже БҰҰ берген босқын мәртебесін растайтын құжат қана бар”, – деді Сафар Бекжан.
“Бұл да диктатураның жалғасы. Мирзияев реформаларына сенсе, маған Өзбекстанға келуге рұқсат берген болар еді. Яғни, ол менің саясаткер ретінде Өзбекстанда болғанымды қаламайды”, – деді ол.
Сафар Бекжан 1997 жылы саяси қызметіне байланысты елден кетуге мәжбүр болды. Кейін ол Швейцарияда саяси босқын мәртебесін алды.