Өзбекстан президенті Шавкат Мирзияевтің мәлімдеуінше, Түркия азаматтары үшін виза жұмыстарын жеңілдету – екі елді жақындастырудың алғашқы қадамы ғана.
“Туыс халықтар арасында виза болмайтын күн де туады. Біз соған ұмтыламыз. 20 жылға созылған үзілістен соң бір-бірімізді сағынып қалғанымыз сонша, сөзсіз түсінісіп отырдық”, – деді Мирзияев.
16 наурыздан бастап түрік әуе компаниялары Стамбулдан Самарқанға жаңа рейстер жүргізеді. «Узбекистон хаво йуллари» ұлттық компаниясы осы бағыттағы рейсін 30 қазанда бастайды. Жүк тасымалдаушылар Анкарада стратегиялық әріптестік туралы келісімге қол қойды.
Мирзияевтің хабарлауыша, өзбек-түрік бизнес-форумында бейсенбі күні 3,5 млрд доллар тұратын 35 құжат қабылданады. Реджеп Тайип Ердоған Өзбекстанды стратегиялық әріптес ретінде атап, Шавкат Мирзияевтің сапарын тарихи оқиғаға балады.