Министр Астана мерейтойына өңір әкімдерінің ақша сыйлауына қатысты пікір білдірді

15 мамыр 2018, 19:40

Ол елорданың мерейтойы тойланып біткен соң оған қанша ақша кеткені ұмыт болатынын, есесіне сол мерейтойдың арқасында бой көтерген жаңа инфрақұрылымдар ел игілігі үшін қала беретінін айтады.

“Кешке дейін сіздер ақшаға баса назар аударта бересіздер. Бұл дұрыс емес. Неге сол шараның мультипликативтік нәтижесін көрсетпейсіздер а?.. Мысалы, инфрақұрылымдар қалады, қала дами түседі. Мұның бәрі осы қаланың тұрғындары мен қонақтары үшін емес пе?.. Бұл ақша той немесе салық түрінде бәрібір елге қайтып келеді” – дейді министр.

Сондай-ақ Дәурен Абаев елорда мерейтойын тойлауға қазынадан бөлінген ақша турасын да айтты. “Тексеруші органдар бар. Ақшаның мақсатты, мақсатсыз жұмсалуын олар кез келген уақытта тексере алады”, – дейді ол бұл ретте.