“Міне, дәл осылай!” – фотограф ақ аюлардың ашығып жүргенін көрсетті

Фотографтың айтуынша, ақ аюлар әбден арықтап, азық іздеуге қауқарсыз болып барады. Аюларды қоректендіру үшін жүз келіден астам ет қажет екен. Әдетте олар итбалықпен қоректенеді, бірақ ол үшін оларға аң аулайтын мұз учаскесі қажет. Егер мұз бен теңізге шығу мүмкіндігі болмай, олар құрлықта ұзақ уақыт қалып қойса аюлар ашыға бастайды.

Пол Никленнің айтуынша, ол бұл суреттерді бүгінгі күні алдымызда тұрған жаһандық проблеманы көрсету үшін түсірген.

“Біз көмірқышқыл газының шығарылуын қысқартпасақ, мұздың еруі жалғаса береді және басқа да ақ аюлар аштықтан өледі” – дейді фотограф.

“Осы суреттермен біз климаттық өзгерістер тудыратын проблемаларды, олардың жабайы табиғат пен адамзатқа жақын онжылдықтағы әкелетін зардабын көрсеткіміз келеді” – дейді Никлен.