Нью-Йорктің 24 жастағы тұрғыны Эшли Уэйдтің құрбысын өлтіргені дәлелденіп, ол 40 жылға сотталды.
Бұл туралы The New York Post басылымына сілтеме жасап, Tоday.kz хабарлады.
Үкім оқылып жатқанда әйел жылап отырған. Сот отырысында ол бұл қылмысты не үшін жасағанын түсіндіре алмаған.
Уэйд құрбысына 50 рет пышақ салып, өлі денеден жатырын кесіп алып тастаған.
Бұл қылмыс күллі әлемді дүр сілкіндірді. Тергеушілер қылмыстың алдын ала жоспарланғанын айтты. Уэйдтің өзі болса, таныстарының алдында екіқабат болып көрініп, заттар сатып алып жүрген.
Анасының өлі денесінен кесілген жатырдағы бала тірі қалды.
Дәрігерлер айы-күні жеткен сәбиді аман сақтап, әкесіне табыстаған. Қыз бала қазір әкесімен бірге тұрып жатыр.