Ақтөбеде физика-математика пәндерін тереңдетіп оқытатын мектеп-интернатының түлегі қамауға алынды. Қазіргі уақытта мектеп бітірушілер арасындағы жанжалға қатысты тергеу жұмыстары жүріп жатыр.
Бұған дейін Ақтөбедегі №19 мектептің түлегі Азат Дусуповтың пышақ жарақатынан көз жұмғаны хабарланған.
“Қазіргі уақытта тергеу амалдары жүріп жатыр. Күдікті тергеу изоляторына қамауға алынды. Ол бала кінәсін мойнына алып өзі келді”, – деп хабарлайды облыстық ІІД-нің баспасөз қызметі.
https://kaz.365info.kz/akhtobede-mektep-tylegin-futbol-matchynan-kejin-oltirip-ketken-320927
Бейресми мәліметтерге сүйенсек, түлектер аттестат табыстау шарасы кезінде керісіп қалған. Вальс билеп жүріп алтын белгімен бітіруші түлек марқұмның аяғын басып кетіпті. Екінші жақ сол жерде ашуға беріліп кездесуге шақырған.
Күдікті ретінде қамауға алынған Бекназ Кеңшілік үлгілі оқушылардың қатарында. Ол білімін интернатта жатып алған. Ата-анасы үмітін үкілеп отырған түлектің мектептен кейінгі өмірі темір торда басталды.
Дерек көз: Nur.kz.