Мәсімов: ҰҚК 10 жылда Қазақстанда 100-ге жуық терактінің алдын алды
Қазақстан Республикасы Ұлттық қауіпсіздік комитетінің басшысы Кәрім Мәсімов қызмет нәтижелері туралы мақала жариялады
Қазақстанның ұлттық қауіпсіздік комитеті соңғы он жылда жүзге жуық террористік актінің алдын алды, деп жазады ведомство басшысы Кәрім Мәсімов “Казахстанская правда” газетінде жарияланған мақаласында. Мақала ҰҚК-нің құрылуына 25 толуына арналған.
“Өткен 10 жылда ғана ҰҚК антитеррор қызметі террористік сипаттағы 100-ге жуық зорлық акциясының алдын алды. Халықаралық террористік ұйымдар тарапынан Қазақстанға ұмтылулар бейтараптандырылды. Күрделілігі бойынша бірегей операциялар жүргізілді – “Орталық Азия моджахедтерінің жамаат”, “Хизб-ут-Тахрирх” құрылымдары тағы басқалар жойылды. Серіктестік арнайы қызметтермен бірлесіп, ондаған террористтер мен экстремистер іздестіріліп экстрадицияланды, — деп келтіреді Мәсімов ведомство жетістіктерінен мысалдарды.
“Сапфир” және “Виктория” контрразведкасының тамаша операциялары тарих еншісінде із қалдырды. 2007 жылы АҚШ президенті Джордж Буш: “АҚШ тарихында ядролық таратпау ісінде Қазақстаннан үздік серіктес болған емес”, деп бекер айтпаған”, — дейді Мәсімов.
ҰҚК басшысы өз мақаласына Қазақстан президенті Нұрсұлтан Назарбаевтың рөлін атап өтіп, елбасының “ұлттық қауіпсіздік болмаса – мемлекет те болмайды” деген принципін еске алады.
Қазақстанның Ұлттық қауіпсіздік комитеті 25 жыл бұрын, 1992 жылғы 13 шілдеде Қазақстан Республикасының жарлығымен құрылды.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе