4 жасар қызын сабап, аналық құқынан айырылған павлодарлық Нұргүл Докуова, баласын қайтадан өз тәрбиесіне алатын болды.
Бұл туралы КТК хабарлады.
Осыған қатысты өткен сот отырысында осындай шешім шығарылды. Шешесінен таяқ жеген кішкентай Айлин, жарты жыл бойы әкесінің тәрбиесінде болған. Осы аралықта 35 жастағы Нұргүл Докуованың ақыл-есі мен үй-ішінің дұрыстығына көз жеткізген арнайы комиссия, қызды қайта анасының қамқорлығына беруді жөн санапты.
https://kaz.365info.kz/pavlodarly-kelinshek-endi-esin-zhidy-ol-atty-kinip-zhatyr-233640
Естеріңізге салсақ, былтыр қазанда 4 жасар қызын ұрып-соғып, онысын видеоға түсірген келіншектің әрекеті жұрттың ашуын туғызған еді. Кейін ғаламторда тарап кеткен таспаны қатыгез әйел күйеуінен өш алу үшін түсіргені белгілі болған. Ал соңы мұндай дауға ұласады деп ойламаған Докуова, қызына ашу үстінде қол көтергенін айтып, енді мұндай жайт қайталанбайды деп ант-су ішуде.
Нұргүл Докуова, Айлиннің анасы:
–Ашу үстінде болған жайт. Қызыма ешқашанда қиянат жасағым келген емес. Енді барлығын жаңадан бастап, тату-тәтті өмір сүргім келеді.
https://kaz.365info.kz/atygez-ana-a-talyp-zhatyr-men-r-an-zho-pyn-ony-any-da-shy-an-zho-233323