Мас адамның қалтасындағы 845 мың теңгені қайтарып берген полиция алғыс алды
Павлодарда көшелердің бірінде мас күйінде ұйықтап қалған адамның ұялы телефоны мен жарты миллион теңгеден астам ақшасын қайтарып берген тәртіп сақшысы алғысқа ие болды.
Бұл туралы облыстық ІІД баспасөз қызметіне сілтеме жасап, Рavlodarnews.kz хабарлады.
– Жаңа жыл қарсаңында Успен ауданының тұрғыны ішімдік ішіп, Қайырбаев көшесі маңындағы дүкендердің бірінің жанында ұйықтап қалған, – деді баспасөз қызметінде.
Қалалық ІІБ Орталық ПБ ЖПҚ учаскелік полиция инспекторы, полиция капитаны Қайрат Қайырбеков әкімшілік учаскеге тексеріс жүргізіп, 62 жастағы тұрғынды анықтаған. Өз еркімен тұрып жүре алатындай халі болмаған ер адамды полиция пунктіне дейін көтеріп апару үшін өтіп бара жатқан адамнан көмек сұраған. Учаскеде ер адам құжаттарын алып шығарғанда қалтасынан ақша орамдары және ұялы телефоны түскен. Қайрат ер адамның ұялы телефонында қызының нөмірін тауып алып, оған әкесінің қатты масайған күйінде екендігін айтты.
Кейін 845 000 теңге және құжаттар қолхат жазу арқылы қызына тапсырылды. Өз кезегінде 62 жастағы аудан тұрғыны полиция капитаны Қайрат Қайырбековке алғысын білдірді.
Серіктестер жаңалықтары
© «365 Info», 2014–2024 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз