Лионель Месси тағы бір рекорд жаңартты
Испаниялық “Барселонаның” шабуылшысы Лионель Месси мюнхендік “Бавария” сапында өнер көрсеткен Герд Мюллердің рекордын жаңартты.
Ол бір клуб үшін өнер көрсетіп, еуропалың ең үздік бес жарыста көп гол салған футболшы атанды, – деп хабарлайды РИА Новости.
14 қаңтарда аргентиналық футболшы Испания чемпионатында “Реал Соседад” қақпасына гол салды.
Бұл ойын 30 жастағы футболшы үшін “Барселона” құрамында осы турнирдегі өткізген 401-ші ойыны және 366-шы голы.
1964-1979 жылдары “Баварияның” намысын қорғаған Мюллердің есебінде Германия чемпионатында – 365 гол (427 ойын).
Месси 2004 жылдан бері “Барселона” сапында өнер көрсетіп келеді. Ол бес рет “Алтын допты” алды, төрт рет Испаниядағы ең үздік сұрмерген атанды және клуб пен турнир тарихындағы ең үздік сұрмерген атағын иеленді.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе