“Лара мен Евадан Қытай әншісі Лаура озды”. Димашпен дуэт айтқан қыз көзге көрінетін сый жасады (фото)
Ерекше дауыс иесі, дара музыкалық талғамы бар Димаш Құдайбергеннің 24-мамырда туған күні өтті.
Оны туған күнімен құттықтап, әлемнің түкпір-түкпірінен түрлі құттықтаулар мен жылы лебіздер келіп жетті. Оның ішінде Қытайда телебайқауға қатысып жатқанда кездесуге шақырған әлемдік деңгейдегі әнші Лара Фабиан, таяуда ғана Франциядағы қайырымдық кешке қонаққа шақырған голливудтық актриса Ева Лонгория да бар. Тіпті, Қазақстандағы АҚШ елшісі де Димашқа арнайы құттықтау жолдады. Ал Димашты ерекше жақсы көретін Қытайдағы жанкүйерлер Бейжің, Шанхай, Гуанжоу қалалары мен Астанамыздың лэд-экрандарын жалға алып, бір күн бойы тек Димаштың суреттерін көрсетті.
Singer жобасындағы әріптестері де Димаштың туған күнін елеусіз қалдырмай, өз құттықтауларын жаудырды. Оның ішінде ақтық кезеңде Димашпен бірге дуэт айтқан танымал Қытай әншісі ерекше сый жасады. Ол 23 жасқа толуына орай Димашқа Бейжің орталығында орналасқан соңғы үлгідегі дыбыс жазу студиясын сыйлады.
Бұл туралы Facebook-те Нұршат Төкен есімді журналист жазды.
“Димаштың Биг Боссы – Лауре Шенг Димашқа Пекиннің қақ ортасынан соңғы технологиялармен жабдықталған дыбыс жазатын студия тарту етті”, – деп жазды журналист.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе