“Әділ Қытай” ұйымдасқан қылмыстық қауымдастығының жетекшісі Әділжан Зайнаудин қылмыс әлеміндегі манбасын 80-ші жылдардың аяғында бастады.
Операция барысында қылмыстық топтың екі мүшесі қарсылық танытты.
Соның салдарынан арнайы жасақтың бір қызметкері аяғынан жарақат алды.
Операция барысында қылмыстық топтың 16 мүшесі ұталды. Олардың ішінде 51 жасар Әділжан Зайнаудин де бар. Оның лақап аты “Әділ Қытай”. Бұл қауымдастықпен байланысы бар деген күдікпен Әуезов ауданы Ішкі істер департаментінің басшысы, полиция полковнигі Бақыт Қасабеков та құрықталды.
Күдіктілердің үйін тінту барысында қымбат көліктер, ақша және алтын бұйымдар табылып, тәркіленді.
Қару-жарақ санында да есеп жоқ. Автомат, қосауыз, тіпті, “гранатомет” те табылды. Есірткі өз алдына.
Сонда “Әділ Қытай” деген кім?
ҰҚК қызметкерінің сөзіне сілтеме жасаған Еуразия арнасының хабарлауынша, аталған қылмыстық қауымдастық Алматы және Алматы облысын торуылдаған. Бұл топ жалғыз емес. Жалпы, дәл осындай 5 қылмыстық топ бар.
https://kaz.365info.kz/tanymal-nshi-zini-ylmys-lemini-serkesi-sary-almasty-jeli-bol-anyn-mojyndady-foto-video-233457
Ал қылмыс әлеміндегі жолын Әділжан Зайнаудин 90-шы жылдардың басында бастаған.
Ол кездері Алматы қаласын ел-жұрт “Рыжий Алмаз” ретінде білетін Несіпбай Нәсеновтың қылмыстық тобы “билеп-төстеп” тұрған-тұғын.
Нәсенов өлгеннен кейін оның қарамағындағылар жеке – жеке кетіп, бөлек-бөлек топ құрады. Атап айтқанда, бұлар ” «4 брата», «Айшуақ Жантүгел», «Әділ Қытай», «Шпек» және тағы басқалары.
Сол күнгі операциядан Зайнаудиннен бөлек, қылмыс әлемінің тағы бір серкесі Руслан Рамазан да ұсталды (лақап аты Шпек). Операция Көксай ауылында жүрген.
Рамазан да небір қылмыс жасапты. Кәсіпкерлерді тонаған, адам ұрлаған, тапсырыс арқылы кісі өлтірген. Мұнымен қоймай, шетелдік қылмыс әлемінің серкелерімен байланыста болған.
Олардың арасында ресейлік Саду Әлиев пен қырғыз Қамшы Асанбек те бар.
Алматы қаласының прокуроры Ғабит Миразовтың айтуынша, қазір тергеу жұмыстары жүріп жатыр.
https://kaz.365info.kz/ryzhij-almaz-kim-edi-video-233783