Күлікбаевпен кездескен діндарлар неге түңіліп қайтты?

Сарапшылар алматылық террорист Руслан Күлікбаевтың діни себептерден теракт жасағанына күмән келтірді.

Бұл туралы Sputnik Қазақстан хабарлайды.

“Руслан Күлікбаев. Біз биыл ғана барып қайттық. Сәуір айында.

Оны соншалықты дінге берілген деп айта алмаймын, тіпті намаз оқымайды. Дінге қатты сенетін адам деуге келмейді.

Оны қылмысқа итермелеген себептер мүлдем бөлек. Иә, бір жерде идеологияны қабылдап, ықпалына түсті. Бірақ оның ұстанымын өзгерту әзірге мүмкін емес. Бес-алты жыл өткен соң, бәлкім, режим әсер ететін шығар, бірақ дәл қазір емес”, — деді “Ақниет” ақпараттық-насихаттаушы және реабилитация орталығы” қоғамдық қорының директоры Әлім Шәуметов Астанада БАҚ сұрақтарына жауап беріп.