Астанада алғаш рет КВН жоғары лигасының жазғы кубогы өткізіліп, оған «Азия MIX», Камызяк аймағы құрамасы, “Пятигорск қаласы” және «Каzахи» командалары қатысты.
Бұл туралы Астана қалалық мәдениет басқармасының баспасөз қызметі хабарлады.
Ал КВН-ды өзгермейтін тізгінші Александр Масляков жүргізіпті.
Кешегі кеште командалар ең үздік әзілдерді ойнап, қазақы дүниелерді де қалжыңға қосқан. Сайыс нәтижесінде “Бәйтерек” бейнесіндегі басты кубокты жергілікті «Каzахи» командасы жеңіп алды.
Олар 7 жылдан кейін баяғы құрамдарымен алғаш рет сахнада жиналып тұр.
Олар КВН жоғары лигасына қатысқан 15 жыл ішінде атаулы кубокқа алғаш рет қол жеткізді.
Бұл сайыс күзге қарай телеарнадан көрсетілетін секілді.