Кремль: “Малороссия” туралы мәлімдеме – Захарченконың жеке бастамасы
Кремль “Донецк халық республикасы” жікшілдерінің жетекшісі Александр Захарченконың Украина аумағында “Малороссия мемлекетін” құру туралы мәлімдемесін оның “жеке бастамасы” деп бағалады.
Ресей президентінің баспасөз хатшысы Дмитрий Песковтың сөзіне қарағанда, Кремль Захарченконың бұл мәлімдемесін “БАҚ арқылы білген”. Песковтың айтуынша, Мәскеу бейбітшілік орнатуды көздейтін Минск келісімін жақтайды, деп хабарлады “Интерфакс”.
Захарченко сейсенбі күні “Малороссияны” құру туралы шешімді Украина аймақтарының өкілдері бірлесіп қабылдады деп мәлімдеген. Өзін тәуелсіз деп жариялаған “Луганск халық республикасының” жікшілдері Захарченко мәлімдемесіне қатысымыз жоқ деп отыр. Украина президенті Петр Порошенко “ДХР” жетекшісінің айтқандарына жауап беріп, Киев Донбасс пен Қырымды қайтаратынын мәлімдеді.
Франция мен Германия Кремльді Захарченко мәлімдемесін сынауға шақырды.
Серіктестер жаңалықтары
© «365 Info», 2014–2024 info@365info.kz, +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз