Оңтүстік Кореяның бұрынғы президенті Ли Мён Бакқа Ұлттық барлау қызметінен пара алып, президенттік билігін асыра пайдаланды деген ауыр айып тағылды.
Ли Мён Бак 2009-2013 жылдары ел басқарған. Сәрсенбі күні ол тергеу сұрақтарына жауап беру үшін Сеул прокуратурасына келді, деп хабарлайды “Рёнхап” агенттігі.
Ли Мён Бак – Оңтүстік Кореяның қылмыстық іске іліккен осымен бесінші президенті екен. Бұған дейін президент болған жеті президенттің екеуі ғана сүттен ақ, судан таза болған деседі.
Жақын арада 2013-2017 жылдары президент болған әйел Пак Кын Хенің ісі бойынша да сот үкімі шығуы тиіс. Ол да былыққа әбден батқан президент екен, оған 18 бап бойынша айып тағылуда.
Айта кетсек, Оңтүстік Кореяның бұрынғы президенті Ли Мён Бак 2017 жылдың шілдесінде Қазақстанға келген болатын.
Ол Астанадағы атышулы Экспоның ашылуына қатысып, Нұрсұлтан Назарбаевпен кездескен болатын.
Дереккөз informburo.kz
https://kaz.365info.kz/najman-zhigitteri-khuatty-keledi-eken-ekspony-sekspo-zhasagan-eki-ajeldin-angimesi-271111