Баян Мақсатқызының сотты болған бұрынғы күйеуі – Бақытбек Есентаевтың қарындасы өткеннің бәріне нүкте қойып, өз отбасының өмірдің “жаңа парақшасын” ашатынын жария етті.
Бұл туралы Нағима Есентаева Instagram желісіндегі жеке парақшасындағы жазбасында мәлім болды.
«Қыздар, негізі маған бір ой келіп жүр. Сіздермен ойыммен бөлісіп көрсем. Әулетімізде осы бір жағдай орын алғаннан бері мені бір ой мазалайды. Шіркін, пейілі кең, жүрегі таза, ниеті түзу, адал, мейірімді, ақ жарқын, дастарханды, ерін сыйлай білетін, ас үйге жақын, үйіне барсаң кең пейілмен, жарқылдап отырып бір кесе шайын өз қолымен құйып беретін, байлыққа құнықпайтын, арын ақшаға сатпайтын, үйінде күтуші болса да ағатайымның киімін өз қолымен дайындап, «Аллаға аманатсың, жаным! Жорықта жолың болсын!» – деп жылы қабақпен еркелей шығарып салып тұратын бір көркіне ақылы сай жеңгем болса екен деп қатты армандап жүрмін.
Ағатайыма ойымды айтсам күледі де: «Сен енді кімді ал дейсің, сенің көңіліңе кім ұнайды, соны аламын», – деп қояды.
Соған қарағанда, ағама сүйікті жар, өзіме ерке жеңге, әулетімізге адал келін, тегімізге тіл тигізбейтін, ақ орамалына дақ түсірмейтін жанды қазірден бастап қарайластыра берсем қалай қарайсыздар? Үмітсіз шайтан ғана дейді ғой. Оның қасында пендеміз. Біздің көшеде де той болар», – деп жазды Нағима Есентаева.
https://kaz.365info.kz/aparyp-berinder-abakhtydagy-bakhytbek-esentaev-kharyndasyna-tosyn-syj-zhasady-foto-292174
Негізі, бұл жазбасынан Нағима Есентаеваның мақтамен бауыздағандай етіп, бұрынғы жеңгесін сынау-сыбай бар секілді. Оны аңғару қиын емес.
Өз кезегінде Есентаеваның желідегі оқырмандары Бақытбек Есентаевқа адал жар табуын тілеп жатыр.
https://kaz.365info.kz/22-zhyl-shydaganyma-rahmet-ajtsyn-bayan-byryngy-kyjeuin-kimge-tenegenin-bilesiz-be-266316
Айта кетелік, күні кеше ғана Баян Мақсатқызы мен Тұрсынғали Алагөзов ресми түрде некесін қиған еді. Өйткені Баян екінші күйеуінің тегін алатынын мәлім еткен. Сонымен Баян қазір Алагөзова боп алды.