“НеМолчиKZ” қоғамдық қозғалысының жетекшісі Дина Смайлова Айжан Байзақованың соққыға жығылғанын айтты, деп хабарлайды Today.kz.
“Айжан Байзақова соққыға жығылды. Еліміздегі қоғамдық қозғалыстың нәтижесі міне – зорлық пен зомбылық.
Барлық жайтқа бойжеткенді кінәлі етіп көрсетіп, қыздардың шешінуіне ақша тігіп, көңіл көтеріп, азғындық жасаған жігіттер тасада қалды.
Егер шындық керек болса қоғамда арандатушылық пен бүлік ұйымдастырғандардың барлығын абақтыға жапсын!
Егер сіз өсиет пен өнегені насихаттағыңыз келсе, ең бірінші еркек болып, нәзік жандыларға қол көтермеңіз! Жігіттерді жеке әңгімеге шақырыңыз”,- деп жазды қоғам белсендісі.
Айта кетейік, Instagram жұлдызы Айжан Байзақова қоғамдық орында этикалық норманы бұзатын шара өткізгені үшін үш күнге абақтыға жабылған болатын.
https://kaz.365info.kz/mojyndajmyn-atyshuly-bajzakhova-abakhtyga-khamaldy-295471
Мақала ВК-дағы “Атамның басы-ай” тобында талқылануда