«Кохаемо, Димаш!» — украиналықтар Димашқа гетман күшінің нышанын сыйлады

11 наурыз 2020, 15:30

786

Дереккөздің мәлімдеуінше, тыңдармандар Димашты Қазақстан мен Украинаның жалауын ұстап, әншіге шын көңілмен ұсынғысы келетін гүлдері мен сыйлықтары алып, ерекше құрметпен қарсы алған.

Сурет: dimashnews.com.

Көпшіліктің ішінен «Дайдидау әні 8 жылдан кейін Украинаға оралды!» деген жазуы бар үлкен плакат ұстағандар бірден жас әншінің назарын аударған көрінеді.

Сурет: dimashnews.com.

Әншінің адал жанкүйерлері Димашқа гетман күшінің нышаны бар салтанатты күрзі сыйлады.

«Сіздің әніңіз бен даусыңыз біздің жүрегіміз бен санамызды жаулап алды. Ешқашан өшпек емес. Бұл күрзі біздің сізге деген риясыз көңіліміздің белгісі болып қалсын», – деп жанкүйерлері Димашқа өз сыйлықтарын ұсынды.

Естеріңізге сала кетейік, жақында әнші Лара Фабианның сөзіне жазылған — Your Love әнін көрерменге ұсынды. Кремльде өткен Валентин Юдашкиннің шоуында әннің тұсауы кесілді.