Кішкентай Асанәлі әкесінің 80 жылдығына ән арнап, ел жүрегін елжіретті (видео)
Абыз актер Асанәлі Әшімовтің 70-тен асқан шағында жұбайы Бағдат Әшімовадан көрген ұлы әкесінің 80 жылдығына ән арнады.
Бұл туралы Stan.kz хабарлайды,
Қазақ киносының маңдайына біткен жұлдызы Асанәлі Әшімовтің 80 жылдығы бірнеше айдан бері тойланып келеді. Абыз актер 500 адамға дүркіретіп той жасады. Тойға министр, әкімдерден бастап қазақ өнерінің “кілегей-қаймақтары” түгел жиналды. Артынша абыз актерге Қазақстанның еңбек ері атағы берілді. Одан кейін елбасы Нұрсұлтан Назарбаев Асанәлі Әшімовті қабылдауына шақырып, жеке құттықтады.
Концерт барысында абыз актердің ұлы Асанәлі Асанәліұлы Әшімов әкесіне арнап ән шырқады.
Айта кетейік, Асанәлі Асанәліұлы Әшімов небәрі үшінші сыныпта оқиды. Ол бұған дейін де талай өнер додаларында топ жарып, өнерімен халықты тәнті еткен. Атап айтсақ, былтыр кішкентай Асанәлі Фариза Оңғарсынованың өлеңдерін оқудан өткен байқауда бас жүлдені жеңіп алған. Абыз актердің соңынан ерген тұяғынан халықтың күтері мол.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе