Алматы облысындағы “Ақбұлақ” сауықтыру лагерінде балаларға әлімжеттік көрсеткен жігіт кешірім сұрады.
Бұл туралы видео Youtube.com желісінде пайда болды.
“Мен лагерьде Жаңаөзеннің балаларын мазақ етіп, түсірген видеом үшін кешірім сұраймын. 18-маусымда болған оқиға үшін, балаларды киінуге және шешінуге мәжбүрлегенім үшін кешірім сұраймын”, – дейді жігіт.
Видеода жігіттің қолы гипста екені, екі бүктеліп, әрең тұрғаны көрінеді. Ол бұл жарақатты қалай алғаны белгісіз.
https://www.instagram.com/p/BV7JnyXh31V/?taken-by=kaztwitter
Лагерь өкілдері әзірше жігітке қатысты ешқандай түсінік бермеді. Осыған дейін әкім орынбасары Жақсылық Омардың бұл мәселені өз бақылауына алғаны айтылған болатын.
Еске сала кетейік, осыған дейін Instagram желісіндегі Kaztwitter парақшасында Алматы облысындағы лагердегі балаларды мазақ қылған видео жарияланған болатын. Алматы облысы әкімдігінің баспасөз қызметіндегілер бұл деректің қараусыз қалмағанын және оларды анықтау үшін барлық шаралар қабылданып жатқанын мәлімдеген еді.