Алматыда жылу құбыры жарылды
Бүгін Алматыда Қазыбек би мен Қалдаяқов көшелерінің қиылысында жылу құбыры жарылды. Zakon.kz сайтында жарияланған роликте 10 метр биіктікке атқылаған ыстық судың салдарынан автокөліктер зақымдалғаны байқалады.
Алматы жылуэнерго кешені және тұрғын үй коммуналдық шаруашылығы кәсіпорнының ресми өкілі Ян Гириннің мәлімдеуінше, құбыр жарылысы бүгін түстен кейін, шамамен, сағат 15:20-да, құбырларды гидравликалық сынақтан өткізу жұмысы барысында орын алған.
Артынша, оқиға орнына апаттық бригада келіп жетіп, аумақты қоршауға алды. Құбыр жарылысы салдарынан зардап шеккендер жоқ. Бірақ, алдын ала деректер бойынша екі жеңіл автокөлік зақымдалған. Олардың иелері енді тиісті арыз жазып, сақтандыру компаниялары арқылы өтемақы ала алады.
Айта кетелік, жарылған құбырдың диаметрі – 500 мм. Ал ыстық судың температурасы – 40-45 градус болған. Яғни, анау айтарлықтай қауіпті болмаған. Құбырдың іске қосылғанына 23 жыл болыпты.
Қазіргі сәтте оқиға орнында қалпына келтіру жұмыстары жүргізіліп жатыр.
.
Серіктестер жаңалықтары
© «365 Info», 2014–2024 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз