Қызылордада педофил үйде отырған қызды зорлап, өлтіріп кетті
Қызылорда облысы Жаңақорған ауданы Шалқия ауылында 13 жастағы қызды зорлап өлтірді деген күдікті ер адам ұсталды.
Бұл туралы Tengrinews.kz хабарлады.
„31 жастағы ауыл тұрғыны қамауға алынған. Сотқа дейінгі тергеу шаралары жүріп жатыр. Құрбан болған қыз анасы және әпкелерімен бірге ауылдағы ескі бес қабатты үйлердің бірінде тұрған.
Ауыл тұрғындарының айтуынша, қылмыс жасалған уақытта қыз үйде жалғыз болған. Анасы жұмыста болған. Қаскөй осы жағдайды пайдаланған. Ол қызды зорлап, кірпішпен басынан ұрып өлтірген.
Күдікті дереу ұсталды. Ол сол ауылда анасымен бірге тұрған. Еш жерде жұмыс істемеген, Қызылорда облыстық ІІД мәліметінше, бұрындары ұрлық үшін сотты болған. Қазір сотқа дейінгі тергеу шаралары жүріп жатыр. Тергеу құпиялылығына байланысты толық мәлімет бере алмаймыз. Жағдай бақылауда”, – деді Қызылорда облыстық ІІД тергеу басқармасының басшысы Әбдібек Жаназаров.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе