Қызылордада «Байқоңыр инвест» инвестициялық форумы аясында күріш өңдеу зауытының ашылу салтанаты өтті.
Бұл туралы Қызылорда облыстық әкімдігінің баспасөз қызметі хабарлады.
Форум аясында Қызылорда күрішінің сортын Иран Ислам Республикасына жеткізу туралы меморандумға қол қойылды.
Қазіргі таңда қызылордалық күріш өсірушілер өз өнімдерін әлемдік нарыққа шығаруға жұмыс істеуде.
«Абай Даулет» ЖШС Қызылордада күріш өңдейтін зауыт салды.
Қазіргі таңда кәсіпорында 80 адам жұмыс жасайды. Алдағы уақытта жұмысшылардың санын 100-ге дейін жеткізу жоспарлануда. Облыс әкімі Қырымбек Көшербаев зауыт ұжымына сәттілік тілеп, Социалистік еңбек ері Амангелді Ахметов күрішшілерге жылы лебізін жеткізді.
«Абай Даулет» ЖШС басшысы Даулет Сарсенбаевтың айтуынша, зауытта сағатына 7 тонна астық қайта өңделеді. Кәсіпорында қалдықсыз өндіріс қолданылады.