Қызылордада құлаққап киіп, теміржолдан өтпек болған адамды пойыз қағып кетті
Қызылорда облысындағы Белкөл станциясында төтенше жағдай орын алып, бір адам мерт болды.
Бұл туралы облыстық ішкі істер департаментінің баспасөз қызметі хабарлады.
Төтенше оқиға Белкөл станциясындағы теміржолда орын алған. 20-қазанда шамамен таңғы сағат 08:19-да «Белкөл» станциясында Қызылорда қаласының тұрғыны 40 жастағы азаматты жүк пойызы қағып кетті. Тексеру кезінде қаза тапқан адамның құлаққап киіп, ән тыңдап келе жатып, теміржолды қиып өтпек болғаны белгілі болды. Қатты музыкаға еліткен адам өзіне жақындаған пойызды аңғармаған.
Аталған факт ҚР Қылмыстық кодексінің 344-бабының 1-бөлігі бойынша Қызылорда желілік ішкі істер бөлімінің сотқа дейінгі тергеп-тексерудің біріңғай тізіліміне тіркеліп, тергеу амалдары жүргізілуде.
Осыған байланысты жергілікті полиция өңірдің барлық тұрғындарын темiр жол өткелдерiнен өткенде сергек, абай болуын сұрайды.
Серіктестер жаңалықтары
© «365 Info», 2014–2024 [email protected], +7 (727) 350-61-36
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе
Қате байқасаңыз, оны белгілеп Ctrl+Enter басыңыз