Қызылордада бір айлық сәбиден қант диабеті табылды
Қызылорда облысында қант диабетіне шалдыққандар саны 10 мыңнан асып жығылды. Соңғы 3 жылда бұл көрсеткіш еселеп артқан. Әсіресе дерт балалар арасында белең алып барады, деп “Хабар 24” арнасы хабарлайды.
Бүгінде облыс бойынша 96 бала инсулинге тәуелді. 3 жыл бұрын бұл көрсеткіш 50-дің шамасында болған.
“Өткен жылы 17 науқас алғаш рет қант диабетімен анықталса, биыл 15 науқас бірінші рет қант диабеті бірінші типімен анықталып, емін алуда. Қазіргі кезде 96 есепте тұрған баланың 80-і арнайы инсулиндік помпамен жұмыс жасауда”, – дейді облыстық балалар ауруханасы бас дәрігерінің орынбасары Қанат Медетбаев.
“Облыстық балалар ауруханасына аптасына кемінде 2 бала алғаш рет қант диабеті анықталып түседі. Оның себебі ретінде қазіргі таңда ата-аналардың тез дайындалатын тағамдармен тамақтандыруымен байланыстыруға болады. Соның есебінен баланың иммунитеті төмен болады, балаға жиі салқын тиіп ауруына байланысты ары қарай қант диабеті болуы мүмкін”, – дейді Раиса Ысқақ.
050013, ҚР, Алматы қ., «Керемет» ықшамауданы, 7 үй, 39 корпус, 472 кеңсе