Зауыт құрылысы жыл соңында басталады деп жоспарланған.
Бұл туралы Қызылорда облысы әкімінің баспасөз қызметі хабарлады.
“Құрылысты бастау бұдан ертерек жоспарланған болатын, алайда, жоба бастамашысы тарапынан зауыттың өнімділік қуатын ұлғайту туралы шешім қабылданып, жобаға тиісті түзетулер енгізілуде. Қаржы көлемінің аз ғана ұлғаюы нәтижесінде (81 млрд-тан 87 млрд-қа дейін немесе 7,4 процент) жобаның жылдық өнімділік қуаты 200 мың тоннадан 300 мың тоннаға немесе 50 процентке көбеюде”,-деді облыс әкімі Қырымбек Көшербаев бүгін облыстық мәслихаттың ХІV сессиясында сөйлеген сөзінде.
Айта кету керек, бұл заманауи әрі еліміздің барлық қажеттілігінің 75 процентін қамтамасыз ететін республикадағы бірден-бір кальцийлендірілген сода өндіретін зауыт болмақ. Бүгінгі таңда, кальцийлендірілген сода нарығын толықтай импорттық өнімдер құрайды.