1180 метр биіктікте орналасқан Қытайдағы шыны көпір шытынай бастапты.
Ролик YouTube-те жарияланған. Кадрда туристік топтардың жетекшісі көпірдің мөлдір бөлігіне қарай өткен кезде, әйнекте жарықтар пайда болып, шытынаған дыбыс естіле бастайды. Тізерлеп құлаған ер адам қатты қорыққан.
Осы кезде қарсы алдынан шыққан ер адам сабырлы қалыпта кетіп бара жатады. Видео желіде пайда болғаннан кейін, Шығыс Тайханьшань округтік әкімшілігі “шытынаған” әйнек – бұл арнайы эффектілер орнатылған панель екенін, оның көпірдің бірнеше тұсына әдейі орнатылғанын айтыпты.